Ramush Haradinaj, kryetar nderi i Aleancës për Ardhmërinë, është shprehur se pamjet ku fermerët derdhin qumështin në lumenj dhe në rrugë janë të rënda dhe alarmuese.
Të lidhura
None found
Ai ka theksuar se fermerët po shtyhen drejt veprimeve kaq ekstreme si formë proteste për shkak të problemeve që u janë krijuar në shitjen e prodhimeve të tyre.
“Qeveria në detyrë, me qasje armiqësore, po godet direkt prodhuesin vendor, mirëqenien e fermerit, familjen e tij dhe gjithë ekonominë tonë.
Ftoj institucionet të reflektojnë dhe t’i marrin seriozisht kërkesat e fermerëve dhe t’i kompensojnë dëmet e shkaktuara.
Të mos i trajtojnë si kundërshtarë, por si partnerë në zhvillimin ekonomik të vendit”, ka shkruar ai.
