Irani ka bërë publik kalendarin zyrtar të ceremonisë mortore për Ajatollah Ali Khamenein, e cila do të mbahet më 3 korrik në Teheran.
Ministria e Jashtme iraniane njofton se në këtë ceremoni parashikohet pjesëmarrja e përfaqësuesve nga rreth 100 shtete, mes tyre kryeministra, ministra të jashtëm, kryetarë parlamentesh dhe të dërguar të posaçëm.
Të lidhura
None found
Në programin e shpallur zyrtarisht, homazhet publike do të nisin në orën 08:00 të mëngjesit dhe do të vijojnë deri në mesditë.
Pas kësaj faze janë parashikuar takimet mes delegacioneve dhe zyrtarëve të huaj, ndërsa ceremonia qendrore do të zhvillohet në orën 14:00, me praninë e drejtuesve të vendit dhe të mysafirëve ndërkombëtarë.
Një nga pikëpyetjet kryesore lidhet me mundësinë e paraqitjes së Mojtaba Khameneit, i cili nuk është shfaqur në publik që prej fundit të shkurtit, me përjashtim të disa mesazheve audio ose me tekst.
