Një apartament në katin e gjashtë të një pallati në kompleksin “Kika 1” në Tiranë u përfshi nga flakët. Zjarri u përhap me shpejtësi, ndërsa ekipet zjarrfikëse ndërhynë për të shuar flakët.
Policia e Tiranës në një njoftim zyrtar sqaron se një person i cili banonte në një kat më lart banesës ku ka rënë zjarri, është asfiksuar nga tymi.
Të lidhura
None found
Ky shtetas u transportua në spital për ndihmë mjekësore dhe është jashtë rrezikut për jetën.
Njoftimi i plotë;
Rreth orës 10:00, në rrugën “Prokop Mina” ka rënë zjarr aksidentalisht në katin e shtatë të banesës të marrë me qira nga shtetaset K. Sh dhe S. Gj.
Nga zjarri dyshohet se është asfiksuar nga tymi shtetasi A. K, i cili banonte një kat më lart banesës së tyre, i cili po merr ndihmë mjekësore në spital, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë e rrethanave të rastit.
Materialet procedurale iu referuan Prokurorisë së Tiranës, për veprime të mëtejshme.
