Këngëtarja Beatrix Ramosaj ka rikthyer vëmendjen e publikut, këtë herë për një dalje të papritur në Shtetet e Bashkuara. Vite pasi u largua nga Shqipëria pas bujës së krijuar në “Big Brother VIP Albania”, Beatrix është shfaqur sërish në qendër të thashethemeve për jetën e saj private.
Në disa pamje të publikuara së fundmi në rrjet, artistja shihet në një stadium në Louisiana, duke ndjekur një ndeshje basketbolli mes New Orleans Pelicans dhe Portland Trail Blazers. Ajo nuk ishte vetëm: në krah të saj qëndronte një person që dyshohet se është partneri i saj i ri.
Në pamje, Beatrix Ramosaj shfaqet e qetë duke shijuar ndeshjen, ndërsa momenti i filmuar ka mjaftuar për të ndezur sërish kuriozitetin rreth saj. Kjo është një nga daljet e rralla të saj publike, pasi prej kohësh këngëtarja është tërhequr nga vëmendja mediatike dhe jeton në SHBA së bashku me familjen e saj.
Pas pjesëmarrjes në BBVA dhe polemikave që shoqëruan lidhjen e saj të shumëkomentuar me Donald Veshajn, Beatrix vendosi të mbyllte një kapitull të vështirë dhe të ndërtonte jetën larg vështrimit të publikut shqiptar.
Meqë ende s’kemi asnjë reagim, mbetet për t’u parë se cili është mashkulli që i ka vjedhur zemrën bukuroshes…
