Ditën e sotme, një aksident ka ndodhur në aksin rrugor Vlorë-Qeparo, ku një 35-vjeçar duke drejtuar automjetin ka humbur kontrollin dhe si pasojë ka ngelur i dëmtuar.
Shtetasi A.Q aktualisht ndodhet në spital, nën kujdesin e mjekëve.
“Sot, rreth orës 12:40, në aksin rrugor Vlorë–Qeparo, në afërsi të vendit të quajtur “Ura e Drashovicës”, shtetasi A. Q., 35 vjeç, banues në Selenicë, duke drejtuar automjetin tip Fiat, dyshohet se ka humbur kontrollin mbi drejtimin e mjetit duke dalë nga rruga dhe si pasojë ka ngelur i dëmtuar. 35-vjeçari aktualisht ndodhet në spital, nën kujdesin e mjekëve”,- njofton policia.
Grupi hetimor vijon punën për zbardhjen e plotë të rrethanave të këtij aksidenti.
