Big Brother Radio” Live nga shtëpia është rikthyer sërish në Top Albania Radio këtë të diel për herë të fundit me një episod maratonë nga ora 15:00 deri në 18:00 për këtë edicion.
Jonida Aliçkolli dhe Elona Duro janë dy moderatoret që sot intervistuan 4 finalistët e Big Brother Vip Albania, Laert Vasilin, Rozana Radin, Gjestin dhe Egli Takon.
Elona Duro: A kanë qenë sic i kishe menduar? A kishe bërë një parashikim për farë të priste?
Rozana Radi: Unë jam një njeri që përshtatem në çdo lloj tavoline, sepse kam nuhatje, edhe pse më pëlqen, ose jo. Impakti i parë më jep gjithka. Jam surprizuar nga dy-tre vetë. Nuk bëj strategji, sepse nuk i dihet…
Elona Duro: A kishte ndonjë karakter që të ka befasuar?
Rozana Radi: Gerta më ka shastisur fare. Më ka befasuar nga bisedat, debatet. Ishte e paaftë, thosha si ka mundësi të jesh gazetare dhe të mos arrish të mbrosh atë që thua. Pyesja veten, vërtet e mendon kështu? Gerta e ka amplifikuar gjithçka që mendoja për të. Nuk kishte informacionine duhur. Më ka befasuar për keq, jo për mirë.
Elona Duro: Cfarë i thua vetes për rrugëtimin?
Rozana Radi: Unë po bisedoja me Laertin, ai ka rënë si lojtar. Unë në jetën time kam patur shumë pengje. Si ata ushtarët që nuk të lënë të kalosh murin e Berlinit… atë duhet ta kalosh. Më parë nuk kam patur fuqinë që t’i kaloj sfidat e mia. Njerëzit nuk më kanë lënë të gëzoj në jetë… Nuk më kanë lejuar të gëzoj, më kanë përgojuar. Unë jam mbyllur në guackën time dhe nga ky rrugëtim kam kuptuar që duhen thënë gjërat siç janë. Njerëzit duhet të gëzojnë kur kanë miq të vërtetë, që të thonë gjërat, jo ata që të duartrokasin dhe të përgojojnë .
Elona Duro: A ndjen lirim që i ke ndarë shumë gjëra me ne?
Rozana Radi: Unë i kam treguar publikut gjërat e mia, por disa gjëra vlenin vetëm për mua. Ballafaqimin e kam patur me veten, kam qenë kokëfortë dhe sulmoja, kështu kam qenë. Kisha një rritëm jete më pare, që nuk shijoja asgjë. Kisha harruar të isha…
