Kryetari i Pasrtisë Demokratike, Sali Berisha, u prit në Elbasan nga simpatizantët e PD-së me entuziazmin e shpresës për fitore, në kuadër të takimit të radhës prezantues me kandidatët për deputet në garën e 11 majit.
Lideri i opozitës, e nisi fjalën me një krahasim mes ish-diktatorit Enver Hoxha dhe kryeministrit Edi Rama.
“Enver Hoxha ishte mizor, por ama shtëpinë nuk e kaloi në emrin e tij, Edi Rama bëri kullat më të larta se të ish-diktatorit”, tha Sali Berisha, Kryetar i PD-së.
Gjithashtu. Berisha u ndal te Inceneratori i Elbasanit, duke e quajtur vjedhjen më të madhe të ndodhur ndonjëherë.
“Janë vjedhur miliona euro, 130 milion euro janë marrë nga taksat tuaja…”, vijoi kreu i PD.
PD është forca që premton Shqipërinë madhështore, sipas Sali Berishës.
“Për Edi Ramën nuk është problem pensioni i ulët i pensionistëve, nuk është problem largimi i të rinjve, nuk është problem sundimi i krimit, sepse ai sundon bashkë me të…”
Nga Elbasani, Berisha kishte një përgjigje për Bufin që kryeministri Edi Rama e sjell në shenjë krahasimi.
“Ai vërtetë ka saraje, ka rrëmbyer tokë në bregdet, por ka një gjë që i mungon atij, është i shkretë dhe i varfër në kulturë. Ai gaboi duke më krahasuar mua me bufin, simbolin e mençurisë së të gjithë kohërave…”
Në mbyllje, Berisha u bëri thirrje qytetarëve të Elbasanit të votojnë kandidatët e koalicionit Shqipëria Madhështore, pasi sipas tij, socialistët kanë përfshirë në garë vetëm eksponentë të krimit.
