Ka vetëm një mënyrë që Jose Mourinho të vazhdojë udhëtimin e tij në Evropë, të përmbysë Rangers. Një mision pothuajse i pamundur duke pasur parasysh rezultatin e ndeshjes së parë, mundur në shtëpi nga skocezët 1-3. Por në ndeshjen e kthimit të 16-shes së Ligës së Evropës të planifikuar në Glasgoë, turqit duhet të bëjnë të pamundurën për të realizuar objektivin.
Duke folur në një konferencë për shtyp në prag të ndeshjes, José Mourinho theksoi: “Jemi në disavantazh, humbëm ndeshjen tonë të parë. Por nuk dua të mendoj për ndonjë gjë që mund të dëmtojë besimin tonë. Kemi ende 90 minuta për të përfunduar. Në 18 ndeshjet e fundit skuadra jonë ka arritur rezultate të mira. Skuadra që luajti kundër Rangers javën e kaluar nuk jemi ne”.
“Ne mendojmë vetëm për këtë ndeshje”, garantoi Mou. “Kam luajtur 200 ndeshje në Evropë, por nuk mbaj mend të kem humbur me dy gola në shtëpi. Nuk e di se si do të shkojë ndeshja e dytë, por nëse bëjmë punën tonë nesër, do të kemi një shans për të kaluar. Ne luajtëm një lojë shumë të dobët në Stamboll, por ata nuk janë një ekip që është aq i ndryshëm nga ne. Nëse bëjmë të njëjtat gabime, ne meritojmë të eliminohemi”.
Duke hyrë më në detaje për emocionet dhe parashikimet rreth ndeshjes së kthimit: “Rengers do të na presin, duke kërkuar gabimin tonë për të bërë një kundërsulm, ne nuk duhet të gabojmë ndaj një ekipi të tillë. Rezultati i ndeshjes së parë nuk më ushqen ndjenjën e hakmarrjes. Mendoj se jemi më mirë. Tani mendoj vetëm për Rangers, kemi ende një shans”.
