Eurodeputeti Alfred Beleri ka bërë një kallëzim penal në Gjykatën e Posaçme të Shkallës së Parë Kundër Korrupsionit dhe Krimit të Organizuar, ndaj ish-kryebashkiakut të Himarës, Jorgo Goro, ish-deputetit Artan Gaçi dhe deputetes socialiste Olta Xhaçka. Kallëzimi është bërë për veprat penale që dyshohet të jenë kryer nga këta shtetas.
Në kallëzimin e tij, Beleri kërkon shfuqizimin e vendimit të Prokurorisë së Posaçme për Korrupsionin dhe Krimin e Organizuar, i cili ka vendosur të mos fillojë procedimin penal ndaj Olta Xhaçkës dhe Artan Gaçit. Ky vendim është datuar 27 dhjetor 2024, dhe Beleri kërkon që të rishikohet dhe të hapen hetime përkatëse për këto individë.
Gjithashtu, Beleri kërkon nga Gjykata e Posaçme që të urdhërojë regjistrimin e procedimit penal për veprat penale të kallëzuara dhe të fillojnë veprimet hetimore përkatëse për zbardhjen e kësaj çështje. Ky hap vjen pas një periudhe hetimesh dhe pas një vendimi të kundërshtuar nga eurodeputeti.
