Festat e fundvitit/ Shtohet fluksi i shqiptarëve në pikën kufitare të Kapshticës

Teksa jemi në prag të festave të fundvitit, fluksi i shtetasve shqiptarë në pikën e kalimit kufitar të Kapshticës, sa vjen dhe shtohet.

Më së shumti, fluksi është regjistruar në hyrje të shtetit tonë.

Autoritetet tona kanë shtuar sportelet, për të shmangur pritjet e gjata dhe radhët.

Aktualisht, janë 5 sportele të hapura 3 në hyrje dhe 2 në dalje. Gjatë 24 orëve të fundit, nga kjo pikë kalimi kanë hyrë 4599 dhe 1864 shtetas kanë dalë.

Pritet që në ditët në vijim fluksi të jetë më i lartë.