Partia e Legalitetit dhe Pallati Mbretëror kujtuan sot 100-vjetorin e rikthimit në pushtet të ish-mbretit Ahmet Zogu në dhjetor 1924. Në aktivitetin e zhvilluar mbajti fjalën e tij edhe pasardhësi i familjes mbretërore princ Leka.
Ai theksoi se rikthimi i qeverisë së Zogut dhe vendosja e republikës presidenciale shënon kthimin e legalitetit në vend dhe kushtetueshmërisë.
‘Sot kemi nderin të përkujtojmë 100 vjetorin e triumfin e Legalitetit. Ky akt i lavdishëm shënoi kthimin e qeverisë Vrioni. Ishte thjeshtë një akt jo vetëm politik por një hap drejt Shqipërisë moderne bazuar mbi rendin. Shqipëria e Zogut forcoi rolin në arenën ndërkombëtare dhe ndërtoi themelet e shtetit që sot vlerësojmë. Në këtë përvjetor duhet të kujtojmë se uniteti dhe fuqizimi i institucionet janë themelore për të ardhmen tonë. Në një moment të rëndësishëm ishte bashkëpunimi me Nolin. Fillimisht kishte lidhje me Partisë Popullore të Zogut dhe më pas u bë kundërshtari.’
Më tej princ Leka preku dhe marrëdhënien e Zogut me kundërshtarin e tij politik Fan Noli. Sipas tij, ky ishte një konflikt brenda një partie politike, pasi të dy fillimisht ishin pjesë e Partisë Popullore, por më pas shton ai Noli ndryshoi mendim nga mbretit Zog në fund të viteve ’30.
‘Në një moment të rëndësishëm ishte bashkëpunimi që erdhi me Fan Nolin. Në fund të ‘30 ndryshoi qëndrim. Ishte në këtë moment që Noli ka qenë ministër i Jashtëm i Xhafer Ypit, ka qenë Luigj Gurakuqi ministër drejtësie dhe ministër Brendshëm Ahmet Zogu. Ka pasur një përplasje në një familje politike. Uniteti dhe interesi kombëtar duhet të qëndrojnë mbi çdo ndarje politike.’
Së fundmi princi bën thirrje për kapërcimin e konflikteve politike kur bëhet fjalë për interesin dhe unitetin kombëtar.
‘Kjo është dita për të respektuar të kaluarën dhe për të avancuar vlerat e legalitetit. Le të qëndrojmë për një Shqipëri ku uniteti dhe integrimi të jenë prioritet ku fëmijët tanë e meritojnë.’
