Takimi i kryeministrit Edi Rama me emigrantët në Londër që ishte parashikuar këtë të diel më 2 qershor është shtyrë.
Mësohet se shkak për shtyrjen e takimit janë zgjedhjet e parakohshme që do të zhvillohen në Britaninë e Madhe.
Tubimi i Ramës në Londër do të mbahet më 9 qershor.
Kujtojmë që kryeministri Edi Rama ka nisur një tur takimesh me diasporën shqiptare.
Kryeministri Rama e nisi më 12 maj në Athinë takimet me emigrantët shqiptarë.
Më 26 maj, Rama u takua me bashkatdhetarët në Itali, në pallatin e sportit në ‘Busto Arsizio’ afër qytetit të Milanos, ku morën pjesë mijëra shqiptarë. Më datë 16 qershor është parashikuar edhe takimi i fundit, me shqiptarët në Dyseldorf në Gjermani.
