Sulmuesi i Bayern Munich, Robert Lewandowski ka deklaruar se ndeshjet e shpeshta po e prishin futbollin.
Lewandowski i cili është në detyrë me Kombëtaren polake u pyet për Ligë ne Kampionëve dhe formatin e ri.
“Po harroni se ne jemi njerëz jo makineri, nuk mund të luajmë çdo ditë në nivelin më të lartë”, tha ai.
“Për futboll dhe lojtarët e rinj, kjo do të jetë një problem, të rrish në nivelin më të lartë për shumë vite, sepse tani ose brenda dy vitesh ajo do të bëhet ekstreme, sepse ka shumë ndeshje të mëdha”, shtoi ai.
“Edhe për tifozët, mendoj që shumë ndeshje do të jetë mërzitëse sepse nëse prisni më gjatë, rriten pritshmëritë sepse keni pritur gjatë për këtë gjë”, tha Lewandowski.
“Kualiteti i ndeshjeve do të ulet, nuk është e mundur të mbahet kualiteti me kaq shumë ndeshje”, përfundoi Robert Lewandowski./
