Ka përfunduar arratia për shqiptarin që u arratis nga gjykata spanjolle ditën e premte, pasi përfitoi nga kaosi i shkaktuar nga vetëvrasja e një polici në Castello.
Shqiptari me iniciale P.E, me banim po në Castellon kishte shkuar në selinë gjyqësore në kryeqytetin e La Plana për të nënshkruar për një proces që figuron në procesverbalin e tij dhe kur zyrtari në detyrë vazhdoi ta identifikonte atë në kompjuter, ai zbuloi se kishte një urdhër kërkimi dhe paraqitjeje nga një gjykatë tjetër.
Pikërisht në atë moment ata dëgjuan të shtënën fatale të agjentit dhe duke përfituar nga çoroditja e momentit në kompleks, duke qenë i vetëdijshëm se do ta arrestonin, në vend që të priste, shtetasi shqiptar u shkëput gradualisht nga pika e vëmendjes dhe filloi arratisjen.
Kur u kthye normaliteti në seli, agjentët verifikuan se ai ishte arratisur dhe nisën operacionin për gjetjen e vendndodhjes së tij.
