Një 30 vjeçar shqiptar është arrestuar nga policia italiane pasi në shtëpinë e tij është gjetur gjysmë kg hashash.
I arrestuari është identifikuar si Xhildjan Shaqlli. Ai rezulton i papunë, por me një diplomë master dhe u paraqit dje në gjykatën e Macerata për të vërtetuar arrestimin e tij para gjyqtares Francesca Preziosi.
I riu u ndalua ndërsa ishte në makinë gjatë një kontrolli nga Guardia di Finanza në Appignano.
Gjatë këtij kontrolli, policët nuk gjetën asgjë përveç qëndrimit të 30-vjeçarit që i bëri ata të dyshimtë dhe kështu vendosën të vazhdojnë hetimet me një inspektim në shtëpinë e të riut.
Kur policia arriti në shtëpi (ai jeton në Macerata), i riu vendosi të shpërndajë drogën që kishte. Pesë pako hashashi për gjithsej 497 gramë. Përveç kësaj, ai gjithashtu dorëzoi një pistoletë.
I riu, i mbrojtur nga avokati Domenico Biasco, përfitoi nga e drejta për të mos dhënë përgjigje.
