Pasditen e sotme rreth orës 16:20 një makinë Land Rover me targa shqiptare është sekuestruar në doganon e Morinës.
Makina drejtohej nga shtetasi shqiptar G.H i ditëlindjes 1990. Gjatë kontrollit të mjetit lindën dyshime se ajo ishte raportuar e vjedhur.
Pas verifikime të imtësishte, rezultoi se automjeti është raportuar i vjedhur në itali në vitin 2019.
NJOFTIMI I PLOTË:
Rreth orës 16:20, nga Shqipëria për në Kosovë, ka mbërritur vetura Land Rover me targa të Shqipërisë, të cilin e drejtonte shtetasi i Shqipërisë me inicialet G.H. i ditelindjes 1990, e cila është selektuar për kontroll në vijën e dytë.
Gjatë kontrollit të mjetit dhe numrit identifikues lindën dyshimet se ajo ishte raportuar e vjedhur. Nga Policia e Kosovës në bashkëpunim me Policinë e FRONTEX, të cilët janë me mision në PKK Vermicë, është bërë verifikimi më i detajuar i automjetit dhe pas një pune hetimore dhe verifikimeve të kryera, ka rezultuar se ky automjet është raportuar i vjedhur në Itali, në vitin 2019.
Më pas dyshohet se i janë falsifikuar dokumentet e automjetit dhe i njëjti është ri-regjistruar në Shqipëri. Në lidhje me rastin është njoftuar Prokurori i Shtetit pranë P.Th Prizren, i cili ka urdhëruar që të inicohet rasti dhe vetura të sekuestrohet./albeu.com
