Kryetarja e LSI-së, Monika Kryemadhi ka folur mbrëmjen e djeshme mbi ndërhyrjet kirurgjikale plastike, për të cilat është përmendur shpesh.
Së fundmi ishte një e përditshme austriake e cila e akuzoi Kryemadhin për operacionet e shumta plastike, gjë të cilën ajo e mohoi kategorikisht.
E ftuar në televizionin e familjes Berisha, Kryemadhi tha se ajo “akuzohet për bukurinë që i ka falur nëna”, pra duke mohuar që të ketë bërë ndërhyrja kirurgjikale për të përmirësuar pamjen e saj.
“Më akuzojnë për bukurinë që më ka falur nëna ime, pavarësisht se jam shumë e indinjuar se ende nuk kam bërë asnjë operacion plastik, jam ende shumë e re nuk kam abuzuar me jetën time, as me drogëra as me alkool.
Acidi dhe botoksi nuk janë operacione plastike, operacione janë kur tëtrheq gjoksin dhe fytyrën dhe ata që e kanë bërë shkrimin i kanë bërë vetë mos ja u them edhe ku i kanë bërë. Prandaj ata që kanë shkruajtur artikullin të rinë rehat sepse Monika Kryemadhi është në genetikisht shumë në formë.
Çdo ndërhyrje kirurgjikale për probleme shëndetësore që unë kam bërë i kam deklaruar dhe të jeni të bindur se ky është një proces që nuk e fsheh dot”, tha Kryemadhi.
Në artikullin e publikuar sot në gazetën austriake Kronen Zeitung, ku hidhen akuza për presidentin e Shqipërisë Ilir Metën, se ka paguar 700.000 dollarë për lobim në SHBA, u fol edhe për shpenzime të Kryemadhit, për operacionet plastike.
“Në listën e tyre të dyshimtë të shpenzimeve: 50 mijë euro në muaj për takime me senatorë amerikanë, darkë, udhëtime dhe me sa duket edhe operacione estetike për zonjën Meta, Monika Kryemadhi, e cila mori kryesinë e LSI-së nga bashkëshorti i saj”, shkruhet në artikull./albeu.com/
