“Po ringjall gjyshin”, nipi i Muhammad Ali hedh KO kundërshtarin që në raundin e parë (VIDEO)

Teksa legjenda më e madhe e boksit profesionist ka qenë Muhammad Ali, një tjetër pjesëtar i familjes së tij duket se po mban gjallë “traditën”.

Nipi i Muhammad Ali, Nico Ali Walsh, vijon të japë sinjale premtuese në boks, pasi fundjavën e kaluar fitoi një tjetër takim duke hedhur kundërshtarin Alejandro Ibarra KO që në raundin e parë.

Kjo ishte fitorja e pestë e Ali që prej nisjes së karrierës së profesionist në gusht të vitit të kaluar.

I riu 21-vjeçar është djali i Rasheda Ali, vajzës së dytë të legjendës së boksit, i cili kishte nëntë fëmijë gjithsej.

Edhe katër fitoret e mëparshme të Ali Walsh u realizuan me KO. Pas fitores, talenti premtues vlerësoi trashëgiminë e gjyshit të tij, i cili konsiderohet si boksieri më i madh të gjitha kohërave.

“Rezultati tregon mundin dhe punën që kam bërë. Këto gjëra ndodhin kur punon shumë. Po rikthej në jetë gjyshin tim, dhe prandaj edhe mamaja ime emocionohet shumë sa herë që thërritet emri im në ring”, tha Nico pas fitores gjatë një interviste./albeu.com/