Bombë në Portugali me publikimin e një audioje zbuluese që ka Jorge Mendes si një nga protagonistët, agjentin, mes shumë lojtarëve të tjerë, të Joao Felix , futbollistit të Atletico de Madrid, raporton Mundo Deportivo.
Muajt e fundit ka pasur ka pasur lajme që e shtyjnë portugezin drejt Premierligës, te Manchester City .
Dhe pikërisht agjenti i njohur ka rrëfyer se preferenca e tij personale nuk ishte pikërisht Atletico de Madrid.
Kujtojmë se nënshkrimi i Joao Felix ishte sensacioni i verës së vitit 2019, me një transferim te Atletico de Madrid që kushtoi 127 milionë euro, më i shtrenjti në historinë e klubit madrilen. Por për Jorge Mendes, klubi i Madridit nuk ishte as destinacioni më i mirë.
Siç dihet, agjenti i portugez ka preferuar që ish-lojtari i Benfica-s të shkojë në Angli dhe më konkretisht te Manchester City i Guardiolës.
Kështu u shpreh në një bisedë me Bruno Maruta, drejtor i futbollit të të rinjve në Benfica, i cili ka dalë në dritë në kuadër të hetimit nga autoritetet portugeze të të ashtuquajturit “Operacioni Karton i Kuq” për parregullsitë e supozuara në botën e futbollit.
Një opinion që nuk ka ndryshuar ndër vite, madje është përforcuar edhe nga situata e lojtarit nën drejtimin e Simeones . Ndaj mediat portugeze këmbëngulin kohët e fundit se në verë mund të përfundojë në Premierligë , kuptohet se presioni vjen nga ambienti i agjentit, sado që Atletico është i ngulitur në situatën e tyre. Klubi e ka bërë të ditur në mënyrë aktive dhe pasive se është i panegociueshëm. Të paktën, ajo që u zbulua në Portugali nuk është një shenjë e mirë. /albeu.com/
