I shqetësuar nga dëmtimet, sulmuesi argjentinas, Mauro Icardi, ka humbur ndikimin e tij këtë sezon dhe nuk do të ishte kundër kthimit në Serie A.
L’Equipe raporton se Icardi dhe përfaqësuesit e tij po kërkojnë largimin e lojtarit nga klubi parisien këtë verë.
Argjentinasi, i cili nuk po gjen një vend startues në formacion, është pro idesë të rikthimit në Itali, pasi ai po kalon një sezon të dytë të komplikuar me fanellën e PSG.
28-vjeçari ka pasur një sezon të jashtëzakonshëm në vitin e parë sa ishte pjesë e PSG-së, duke shënuar 20 gola në të gjitha garat, në 34 ndeshje të luajtura.
Përfaqësuesit e Mauro Icardi po kërkojnë një rrugëdalje për të, ndoshta në Serinë A, për të cilën ai është nostalgjik. Juventus dhe Roma janë dy nga opsionet e mundshme.
