Cristiano Ronaldo ka ndezur një grindje pasi ka përdorur stadiumin në Madeira për të ruajtur formën e tij gjatë pandemisë së koronavirusit.
Ylli i Juventusit ka stërvitur në stadiumin kombëtar në Madeira, shtëpi kjo për klubin CD Nacional.
Por, institucionet e sigurisë janë të bindur se Cristiano Ronaldo nuk ka “asnjë leje të veçantë”, pasi të gjithëve u është thënë që të qëndrojnë në shtëpi, shkaku i shpërthimit të COVID-19.
Një zyrtar i lartë në Madeira, tha se Ronaldo nuk kishte një autorizim special për t’u stërvitur në stadium.
Ai deklaroi se Ronaldo kishte të drejt të stërvitej në përputhje me rregullat e vendosura për të gjithë.
Kujtojmë se Ronaldo ishte në mesin e pak lojtarëve që Juventus lejoi të kthehen në shtëpi në mes të krizës së shkaktuar nga COVID-19.
