Juventusi i rikthehet një objektivi të vjetër në merkato. Bardhezinjtë nuk heqin dorë nga braziliani i Realit të Madridit Marcelo dhe janë futur fuqishëm në garën për të firmosur me anësorin e majtë të Los Blancos.
Sipas versionit online të gazetës madrilène Marca, kampionët e Italisë po përgatitin një ofertë për Marcelon.
Juventusi e ka kërkuar Marcelon edhe në verën e vitit 2018-të por në atë periudhë braziliani preferoi të qëndronte te Reali. Gjithsesi dëshira për t’u ribashkuar me shokun e tij të ngushtë Cristiano Ronaldon po e shtyn Marcelon të largohet nga Reali gjatë kësaj vere dhe të bëhet pjesë e Juventusit.
Marcelo ka kontratë me Los Blancos deri në vitin 2022, ndërsa klubi bardhezi ka përgatitur një kontratë 4-vjeçare për brazilianin.
