Arilena Ara do të përfaqësojë Shqipërinë në Eurovision dhe do të këndojë në natën e dytë gjysmëfinale që do të mbahet në 14 maj në Rotterdam.
Menjëherë pas “Festivalit të Këngës”, Arilena u nis në Shtetet e Bashkuara të Amerikës ku po punon për të sjellë një version të ri të këngës “Shaj”.
“Neës31.al” ka zbuluar se Arilena po punon me dy producentë të cilët janë shpallur fitues të çmimeve “Grammy” me projektet e tyre. “Shaj” do të këndohet në anglisht dhe po riorkestrohet në njërën prej studiove muzikore më të mëdha në botë, ku artistë si Michal Jackson kanë realizuar projektet e tyre.
