Jakup Krasniqi, ish-kryetar i Kuvendit të Kosovës, e ka mbyllur qëndrimin disaorësh në banesën e familjes së tij në Prishtinë, duke përmbyllur kështu ditën e dytë të vizitës.
Ai është shoqëruar jashtë banesës nga automjetet e EULEX-it, në kushte të shtuara sigurie.
Të lidhura
None found
Sipas raportimeve, Krasniqi pritet të qëndrojë edhe dy ditë të tjera në Kosovë. Burime bëjnë me dije se pas largimit nga shtëpia, ai po mbahet në ambientet e EULEX-it.
Edhe një ditë më parë, Krasniqi kishte kaluar disa orë me familjen e tij në Prishtinë.
Dhomat e Specializuara kanë njoftuar se, për shkak të arsyeve humanitare bindëse, Trupi Gjykues e ka autorizuar Zyrën Administrative që të organizojë një vizitë të mbikëqyrur të Jakup Krasniqit në Kosovë.
Më 16 shtator, Jakup Krasniqi u dënua në shkallë të parë nga Dhomat e Specializuara me 25 vjet burgim.





