Zani Çaushi, i njohur si drejtuesi i bandës së Vlorës dhe i dënuar me burgim të përjetshëm nga Gjykata e Lartë, kërkon lirimin e e tij me kusht.
Çaushi ka bërë kërkesën e dytë në 29 shtator 2020, në Gjykatën e Apelit të Korçës, pasi i është refuzuar i njëjti pretendim disa muaj më parë, konkretisht në Korrik të këtij viti.
Të lidhura
None found
Çaushi pretendon se ka vuajtur më shumë se 31 vite në burg, dhe thotë se juristët i kanë ngatërruar vitet e dënimit.
Pas kërkesës për liri me kisht, Çaushi kërkon përllogaritjen e viteve të burgut, që sipas tij i është bërë në mënyrë të padrejtë.
Kjo kërkesë e Çaushit vjen në një moment kur në shumë prej burgjeve të sigurisë së lartë në vend kanë nisur grevat e urisë të të dënuarve, të cilët i kanë paraqitur Ministrisë së Drejtësisë disa kërkesa, mes të cilave dhe ajo që të dënuarve të përjetshëm t’iu përcaktohen saktësisht vitet e dënimit, dhe mbyllja e tyre pas hekurave të mos jetë e pambarim.
Në kërkesën e Çaushit, thuhet se ai kërkon që tashmë të punësohet jashtë burgut, dhe të kujdeset për fëmijët e tij, që kanë ardhur në jetë gjatë kohës që ai ka qenë pas hekurave.
