Një shqiptar 39 vjeç u arrestua në Königsforst të Gjermanisë, gjatë një kontrolli rutinë të policisë, pasi në automjetin e tij, tip “Mercedes” u sekuestrua një pushkë automatike dhe qindra fishekë.
Arma dhe municioni ishin vendosur në një valixhe që ndodhej në bagazhin e makinës.
Shqiptari është dërguar para ekspertëve të policisë, ndërsa origjina e armës është objekt i një hetimi të vazhdueshëm.
Nuk është zbuluar ende plani i 39-vjeçarit dhe arsyet pse në automjetin e tij u gjendë një arsenal aq i madh armësh. Grupi hetimor po punon për zbardhjen e plotë të kësaj ngjarjeje.
