Me Lionel Messin dhe Luis Suarezin si autorë të nga dy golave, Inter Miami triumfoi 4-0 përballë DC Unitedit. Takimi u luajt të shtunën mbrëma në kuadër të Major League Soccer (MLS).
Për Messin, kjo përballje shënoi rikthimin në një ndeshje zyrtare me klubin pas lamtumirës nga Kombëtarja e Argjentinës. Së bashku me Suarezin, argjentinasi pati rolin kryesor në suksesin e thellë të skuadrës nga Florida.
Të lidhura
None found
Vendasit morën menjëherë kontrollin e rezultatit, pasi Suarez gjeti rrjetën që në minutën e tretë. Sulmuesi uruguaian e ktheu në gol asistimin e German Berterames, duke i dhënë Inter Miamit një nisje të shkëlqyer.
Në minutën e 39-të, një aksion i bukur i Inter Miamit u finalizua sërish nga Suarez, i cili regjistroi golin e tij të dytë personal dhe të tretin për ekipin. Vendasit e mbyllën pjesën e parë me avantazhin 2-0.
Pas pushimit, Messi u bë figura qendrore e takimit. Në minutën e 47-të, ai shënoi me një realizim të bukur për ta çuar rezultatin në 3-0; ky ishte goli i 933-të i karrierës së tij profesionale.
Argjentinasi gjeti edhe një herë rrjetën në minutën e 60-të. Pas një harkimi nga e djathta, Messi goditi menjëherë dhe vulosi rezultatin përfundimtar 4-0.
