Nxirret minatori i parë nga miniera e Trepçës, vijon shpëtimi i 63 të ngujuarve

Një prej 63 minatorëve të bllokuar në minierën e Trepçës është nxjerrë nga horizonti i 11-të.

Komandanti i Zjarrfikësve të Mitrovicës, Bekim Ibishi, konfirmoi lajmin dhe njoftoi se ekipet po punojnë për të nxjerrë edhe minatorët e tjerë.

Ibishi bëri të ditur se ngujimi ndodhi pas djegies së transformatorit kryesor në këtë horizont.

Ndërhyrja e ekipeve emergjente në minierë vijon. Autoritetet pritet të informojnë më tej për gjendjen e minatorëve dhe ecurinë e operacionit.