Kombëtarja e Shqipërisë, do të përballet me San Marinon, më 6 tetor ora 20:45 në stadiumin “Air Albania”. Sfida vlen për raundin e katërt në grupin C1 të Ligës së Kombeve.
Trajneri Rolando Maran, do të preferojë rotacionin duke qenë se fitorja nuk diskutohet. Kuqezinjtë vendosen përballë vendit të fundit në renditjen e FIFA-s, ndërsa sfida e radhës në nëntor do të jetë ndaj Finlandës.
Të lidhura
None found
Plot gjashtë lojtarë do të humbasin sfidën Shqipëri-Finlandë, nëse ndëshkohen sot. Bëhet fjalë për Berat Gjimshitin, Stavro Pilon, Ylber Ramadanin, Kristjan Asllanin, Anis Mehmetin dhe Myrto Uzunin.
Çdo e papritur duhet shmangur në këtë rast. Kujtojmë se Asllani u ndëshkua me San Marinon në transfertë.
Mundësia e humbur- Asllani, Ramadani dhe Pilo, ishin të rrezikuar para sfidës me Finlandën. Asnjë nuk “përfitoi” që të ndëshkohej ndaj Finlandës, për të munguar ndaj San Marinos.
Kështu do të ishin të qetë për të dhënë maksimumin në dy sfidat e nëntorit, ndaj Finlandës dhe Bjellorusisë, që janë më të rëndësishmet.
Sigurisht që duke qenë me një lojtar më pak dhe duke parë tendencën e gjyqtarit irlandez, mund të jetë një arsye pse u stepën edhe në fund nëse e kanë menduar.
