Këtë të shtunë, janë bërë publike pamjet e aksionit të SPAK, të zhvilluar në Shkodër, ku shihet arrestimi i Bledar Cafit, 50- vjeç, i cilësuar si person me rrezikshmëri të lartë shoqërore.
Sipas njoftimit të Policisë, Cafi u prangos në orët e para të mëngjesit të sotëm, brenda banesës së tij në Shkodër. Në operacion morën pjesë forca të shumta policie.
Të lidhura
None found
Ndaj tij rëndojnë akuzat për “Trafikim të lëndëve narkotike”, kryer në bashkëpunim dhe në formën e grupit të strukturuar kriminal, si dhe për veprat penale “Grup i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.
Në kuadër të të njëjtit operacion, është shpallur në kërkim edhe Endrit alias Indrit Dokle. Ai nuk u gjet në banesë gjatë ndërhyrjes, ndërsa Policia vijon punën për lokalizimin dhe kapjen e tij.
