Samuel Barrott, arbitri anglez që do të drejtojë përballjen Shqipëri – Bjellorusi

UEFA ka caktuar anglezin Samuel Barrott si gjyqtarin kryesor të takimit mes Shqipërisë dhe Bjellorusisë.

Edhe pse është vetëm 32 vjeç, Barrott ka një përvojë të konsiderueshme në arenën e futbollit. Ai arbitron në Premier League, ndërsa ndeshja e fundit finale që ka drejtuar ishte përballja Arsenal – Manchester City në Superkupën e Anglisë, e njohur si “FA Community Shield”.

Duelli mes Kombëtares shqiptare dhe Bjellorusisë do të luhet më 26 shtator, në orën 20:45, në stadiumin “Air Albania” në Tiranë. Sfida është e vlefshme për Ligën e Kombeve.