Irani ka përcaktuar pesë kërkesa që i konsideron të domosdoshme për rifillimin e dialogut diplomatik me Shtetet e Bashkuara, sipas raportimeve të mediave iraniane.
Agjencia e Lajmeve Fars bën të ditur se Teherani kërkon ndalimin e çdo veprimi ushtarak amerikan në rajon, me theks të veçantë te Libani, si masë për zbutjen e tensioneve.
Të lidhura
None found
Kushtet e tjera lidhen me heqjen e plotë të sanksioneve të vendosura nga SHBA-ja, çlirimin e të gjitha aseteve iraniane të bllokuara jashtë vendit dhe dëmshpërblimin për pasojat e konflikteve dhe operacioneve ushtarake.
Mes kërkesave të Teheranit është edhe njohja e kontrollit të Iranit mbi ngushticën e Hormuzit, një prej korridoreve më të rëndësishme në botë për transportin e naftës.
Deri tani, Irani nuk ka dhënë shenja se është i gatshëm të bëjë kompromis. Ndërkohë, nuk dihet nëse Uashingtoni do t’i pranojë këto kushte si bazë për rifillimin e negociatave.
Ndërkaq, Shtetet e Bashkuara dhe Irani kanë arritur një marrëveshje për armëpushim pa një afat të përcaktuar.
