Ylli brazilian shpërthen në lot gjatë prezantimit të Real Madridi (VIDEO)

Ishte planifikuar për më vonë, por Reali i afroi datën e prezantimit të talentit brazilan.

Ditën e sotme Reali ka prezantuar mesfushorin e talentuar brazilian, Reinier. 18 vjeçari nuk ka arritur të mbajë lotët në ditën më të rëndësishme të jetës së tij.

Me lot në sy, Reinier përcillej nga afër nga prindërit e tij.

“Kjo është bluza për të cilën keni ëndërruar kaq shumë dhe sfidat e mëdha të jetës tuaj ju presin nga ky moment. Sot kemi nënshkruar me një 18 vjeçar që ka arritur të fitojë Copa Libertadores. Unë uroj të jesh një legjendë e këtij klubi të madh” kanë qenë fjalët e Florentino Perez në prezantimin e Reinier.

Futbollisti brazilian ka nënshkruar kontratë deri në qershorin e vitit 2026 me Real Madridin.


Shtuar 18.02.2020 13:56