Shpesh kemi parë lojtarë që përleshen me kundërshtarët apo edhe me bashkëlojtarët por rrallë shumë rrallë kemi parë që trajneri të godasë lojtarin e tij.
Ky episod ka ndodh në Serie D italiane mes trajnerit Grosseto dhe Monterosi të dielën.
Trajneri i Grosseto Lamberto Magrini u ndëshkua me karton të kuq pasi e qëlloi shpullë njërin prej futbollistëve të vet në stol.
Grosseto po fitonte 1:0 në kohën kur trajneri Magrini vendosi ta kryejë një zëvendësim 16 minuta para fundit.
Ai e zëvendësoi mesfushorin Riccardo Cretella me Mattia Ravanellin. Cretella reagoi me zemërim duke u largua nga fusha.
Kjo s’i pëlqeu trajnerit të tij siç duket, i cili i kërceu Cretellas mbi shpinë dhe më pas e goditi shpullë, duke i habitur lojtarët e tjerë në bankën e rezervistëve.
Gjyqtari e përjashtoi atë direkt me karton të kuq dhe i kërkoi të largohej nga fusha.
