Një ngjarje e rëndë raportohet nga mediat gjermane, teksa lojtari i Leipzig, Stefan Ilsanker, akuzohet për përdhunimin e një gruaje në datën 4 janar të vitit 2020.
Ndaj mesfushorit tashmë është hapur një hetim, ndërsa gruaja e cila pretendon të jetë abuzuar ka kallëzuar në organet e drejtësisë Ilsanker.
Tashmë, të vërtetën rreth çështjes do ta zbulojnë hetimet, ndërsa nëse provohet pretendimi i gruas, atëherë 30-vjeçari rrezikon dënimin me burg.
Ilsanker është pjesë e Leipzig prej vitit 2015, duke koleksionuar edhe 104 paraqitje me këtë klub.
Ndërkohë, akuzat ndaj futbollistit janë një imazh i keq edhe për Leipzig, teksa mund të vendosen masa ndaj lojtarit në fjalë.