Ashtu edhe sic pritej, negociatat për rinovim mes Alaba dhe Bayernit kanë ngecur.
Rinovimi i kontratës së David Alaba me Bayern Munich është një nga çështjet që gëzon hapësira të mëdha në mediet gjermane.
Mbrojtësi austriak nuk ka arritur akoma marrëveshje me kampionët e Bundesliga, me negociatat që vazhdojnë të jenë të suspenduara tash e sa javë.
Sipas raportimeve të ‘Sport1’, Alaba, me rinovimin e kontratës, dëshiron të futet në mesin e lojtarëve që fitojnë më së shumti.
Përfshirë bonuset, mbrojtësi i Bayern me kontratën aktuale fiton rreth 15 milionë euro në vit.
Kontrata aktuale e 27 vjeçarit skadon në vitin 2021, kështu që palët janë në negociata për një rinovim të mundshëm.
Thuhet se drejtuesi e Bayern mund t’i japin lojtarit një vazhdim kontrate deri në vitin 2025. Mbetet të shihet se si do të finalizohen negociatat mes Alaba dhe Bayern.