Me një ndeshje të çmendur, Fiorentina ka arritur të eliminojë Atalantan duke kaluar në çerekfinale, ku përballë do të ketë Interin.
Patrick Cutrone do të kthehet në “San Siro”-n e tij, sërish përballë zikaltërve, nga derbi i Kupës së Italisë dy vite më parë, kur pikërisht eliminoi Interin.
Sulmuesi italian shënoi pas 11 minutash ndaj ekipit të Gasperinit, teksa më pas në pjesën e dytë Ilicic kthehu barazpeshën, deri kur Pezzella doli me karton të kuq.
U mendua se për vjollcët gjithçka do të mbaronte, por Lirola gjeti golin e 2-1 dhe deri në fund vjollcët u mbrojtën dhe morën këtë kualifikim.
Atalanta largohet kështu, bashkë me Gjimshitin (luajti titullar). Skuadra e Gasperinit ishte finaliste e sezonit të shkuar.
