Kthjellime dhe vranësira, si pritet të jetë moti gjatë ditës së sotme

Në vendin tonë moti sot do të jetë i alternuar nga kthjellime dhe vranësira të cilat do sjellin mot kryesisht të kthjellët.Në zonat e thella malore do të ketë reshje shiu gjatë pjesës së parë të ditës.

Sipas Meteoalb, sot temperaturat do të pësojnë një rritje të lehtë, ku do të variojnë: në zonat malore, nga 11ºC në 23ºC, në zonat e ulëta nga 17ºC në 29ºC dhe në zonat bregdetare nga 19°C në 30ºC.

Era do të fryejë në drejtim Jugor ndërsa forca e valëzimit në det do të jetë 4-5 ballë.

Në Kosovë moti sot do të jetë i alternuar me kthjellime dhe vranësira duke sjellë mot të kthjellët, por nuk përjashtohet mundësia për reshje të izoluara.

Sot temperaturat do të pësojnë një rritje të lehtë ku do të variojnë: në zonat malore nga 10ºC deri në 22ºC dhe në zonat e ulëta nga 15ºC në 26ºC.


Shtuar 8.06.2020 06:25