Ish-ministri socialist Et’hem Ruka ka dhënë një lajm të mirë për situatën e koronavirusit në Shqipëri.
Bazuar në disa grafikë me të dhëna personale, jo zyrtare, thotë se pas dy javësh mund të shuhet tërësisht pandemia në vendin tonë.
Të lidhura
None found
Përqindjen e të sëmurëve me virus i ka paraqitur në kolonat ngjyrë blu që kanë pësuar rënie gradualisht, ndërsa përqindjen e të shëruarve i ka paraqitur në kolonat ngjyrë të kuqe që kanë pësuar rritje në mënyrë graduale.
“Pika kritike u arrit më 12 prill kur përqindja e të sëmurëve dhe ajo e të shëruarve u bë 50% me 50%. Pas kësaj date % e të shëruarve fillon të bëhet më e madhe se ajo e të sëmureve.
Ritmi i përmirësimit luhatet nga 2%-3% për çdo ditë. Kjo do të thotë se teorikisht nëse do të ecet me këtë ritëm, pandemia duhet të shuhet pas 2 javësh”, shkroi Ruka në një postim në Facebook.
Ish-ministri socialist theksoi se parashikimin teorik e bën duke u bazuar në ecurinë e kurbave gjatë dy javëve të fundit. Sipas Rukës, modeli mund të përmyset nëse nuk vazhdon ky sistem karantimi.
