Në Itali gjendja është kritike ndërsa të vdekurit numërohen me qindra çdo ditë.
Këtë herë në në faqen e parë të përditshmes italiane, “La Republica” ishte një infermiere shqiptare dhe tre koleget e saj.
Gazeta italiane i ka kushtuar një artikull falënderues dhe vlerësues Ornelës dhe vendeve të ndryshme që janë sensibilizuar me situatën e rëndë që ka prekur Italinë për shkak të pandemisë COVID 19, ku vetëm në Itali kanë humbur jetën mbi 10 000 persona.
Sipas gazetës, Ornela është në mesin e katër grave që së bashku përbëjnë një ekip të palodhur, vendosur në dhomën e urgjencës ku vijnë dhjetëra ambulanca çdo ditë.
“Katër gra nga e gjithë bota për një qëllim: të ndihmojnë pacientet e COVID-19 në spitalin e Cremona. Protagonistë të kësaj fotoje janë Bea dhe Ornela dhe Iolanda dhe Chiara”,- thekson “La Repubblica”.
Shqipëria ka dërguar dy ditë më parë 30 infermierë dhe mjekë në Brescia, një nga zonat më të prekura nga COVID 19, në shenjë solidariteti.
