“Spektakli” i Edi Ramës mbrëmë në emisionin “Opinion” prej 24 orësh është bërë hit në rrjetet sociale në vend. Pikërisht një prej sekuencave më të ‘famshme të performancës’ kryeministrore në emisionin live është bërë pjesë e diskutimit edhe në emisionin “Zonë e Lirë”.
Ministrja e Shtetit për Marrëdhëniet me Parlamentin, Elisa Spiropali është e ftuar në bisedë me Arjan Çanin dhe Arian Currin dhe ka folur edhe në lidhje me sjelljen e kryeministrit Edi Rama
Spiropali tha se ky është Rama i vërtetë, dhe sa më shumë ta sulmojnë gazetarët, aq më tepër i rriten votat.
Spiropali foli gjithashtu edhe për Operacionin Forca e Ligjit. Ajo u shpreh se këto janë instrumente shumë të forta, absolutisht kushtetuese për të goditur krimin ku e ka fuqinë, te pasuria.
“Shumë prej këtyre elementëve të krimit ia kalojnë më së miri, i kanë të gjitha kushtet dhe japin urdhra nga burgu”, tha Spiropali.
