Një aksident i rëndë ndodhi mbrëmjen e sotme pranë tunelit në Elbasan, ku mbetën të vdekura dy vajza ndërsa dy shoqet e tyre të plagosura.
Nervida Garunja dhe Denisa Dibra janë dy vajzat që kanë mbetur të plagosura nga aksidenti tragjik. Ato janë dërguar në spitalin e Traumës në Tiranë për një ndihmë më të specializuar mjekësore.
Nervida Garunja, me origjinë nga Shkodra i ka thënë oficerëve të policisë se e kanë parë automjetin tip “Benz” që i ka përplasur duke bërë manovra pak para aksidentit.
Drejtuesi i automjetit tip “Benz” i identifikuar si Behar Pema është arrestuar nga policia pasi në testin e alkoolit ka rezultuar i dehur. /albeu.com/