Një makinë shpërtheu pasditen e djeshme në mes të Tiranës duke plagosur disa persona.
Shenjestra, Preng Gjini, 51-vjeç u plagos gjatë atentatit të djeshëm dhe do t’i nënshtrohet një operacioni në sy.
Bëhet me dije se 51-vjeçari ka dëmtime të rënda në të dy sytë. Ndërkohë, ai ndodhet jashtë rrezikut për jetën, edhe pse ka marrë plagë në shumë pjesë të trupit.
Ngjarja e rëndë ndodhi mbrëmjen e djeshme pranë Urës së Nisharakut në kryeqytet. Gjini ra pre e atentatit me tritol, teksa udhëtonte me automjetin e llojit Mercedez Benz, të tipit “A Class”. Gjithashtu dy persona të tjerë u plagosën, ndërsa ndodheshin rastësisht pranë vendngjarjes.
