Ndryshimi i motit duket se do të ndryshojë gjatë ditëve në vazhdim. Shërbimi Meteorologji Ushtarak ka paralajmëruar se e shtuna do të nisë me mot të kthjellët në të gjithë territorin por nga orët e mesditës pritet shtimi gradual i vranësirave.
Fillimisht do të jenë mesatare, ndërsa pasdite do të jenë të dendura.
Në orët e vona të mbrëmjes, vranësirat do të shoqërohen me reshje shiu të dobëta përgjatë vijës bregdetare.
Ndërsa në orët e mëngjesit do të ketë brymë për shkak të temperaturave të ulëta.
Më të ulëtat, në zonat malore do të jenë -6ºC, ndërsa në zonat bregdetare 5ºC.
Kulmi i temperaturave të larta do të jenë nga 5ºC në zonat malore deri dhe 15ºC në ato bregdetare.