Si pasojë e motit të keq, një sërë problemesh po hasin qytetarët në Britaninë e Madhe.
Një copë e madhe e çatisë u rrëzua në një bllok banesash, si pasojë e stuhisë Brendan, e cila përshkruhet nga erëra mjaft të forta dhe reshje shiu.
Një kalimtar, i cili filmoi incidentin me telefonin e tij celular, tregon sesi njerëzit janë tmerruar, ndërkohë që nga sipër bienë ende mbeturina.
Shërbimi i Ambulancës Qendrore Jugore deklaron se nuk ka të lënduar si pasojë e incidentit.
Një zëdhënës i këshillit u ka bërë thirrje njerëzve të shmangin zonën: “Ne jemi të vetëdijshëm për incidentin në Rrugën e Lartë Slough dhe oficerët specialë janë në rrugë për të ndihmuar shërbimet e urgjencës”.
“Ne nuk besojmë se dikush është dëmtuar rëndë, dhe ne po punojmë me shërbime të tjera urgjente për ta bërë vendin e sigurt.
Rruga është e mbyllur dhe njerëzit këshillohen të shmangin zonën.
Faleminderit të gjithëve për durimin e tyre të vazhdueshëm ndërsa merremi me incidentin”, deklaron policia.
Si pasojë e erërave të forta pati vonesa në shërbimin e hekurudhave, ndërkohë që shoferëve të makinave u është kërkuar që të kenë një kujdes të shtuar në rrugë.
Erërat e forta gjithashtu detyruan linjat ajrore të devijojnë shtatë fluturime të planifikuara për të zbritur në aeroportin Gatwick.
