Regjistrohet temperatura rekord më e lartë e janarit në një qytet të Norvegjisë

Një rekord i ri temperature të lartë u regjistrua në muajin janar në një qytet të vogël në perëndim të Norvegjisë, njoftoi Instituti Meteorologjik norvegjez.

Sipas shërbimit meteorologjik, temperatura në qytetin e vogël Sunndalsora arriti 19.0°C. Rekordi i mëparshëm prej 17.9 °C është regjistruar në vitin 1989 në fshatin Tafjord. Sunndalsora dhe Tafjord ndodhen në rrethin e More og Romsdal.

Sunndalsora rrethohet nga male të pjerrëta. Ky vend është i njohur për disa persona të apasionuar pas sporteve ekstreme që përfshin hedhjen me parashutë nga skajet e një shkëmbi të lartë ose nga struktura të ndërtuara nga njeriu, transmeton Dpa.

Sunndalsmora mban gjithashtu rekordin e ngrohtësisë së Norvegjisë për muajin dhjetor ku temperatura në vitin 1998 arriti në 18.3 °C.

Edhe në qytete të tjera u regjistruan temperatura të larta. Sipas shërbimit meteorologjik, në qytetin Andalsnes, temperatura arriti në 18.6°C


Shtuar 2.01.2020 17:28