Olimpija e Lubjanës ka konfirmuar transferimin e Indrit Tucit, i cili bëhet lojtari më i ri i klubit slloven. Përmes një njoftimi në rrjetet sociale, klubi e prezantoi 25-vjeçarin si pjesë të “dragonjve” jeshilë, ndërsa sulmuesi i Kombëtares Shqiptare ka firmosur një kontratë 2-vjeçare.
Tuci sjell me vete përvojën e fituar në disa kampionate të huaja, pasi gjatë karrierës së tij është aktivizuar në Kroaci, Çeki dhe Turqi. Në periudhën e kaluar te Sparta Praga, ai fitoi kampionatin dhe kupën kombëtare, si dhe pati mundësinë të luante në kompeticionet evropiane.
Të lidhura
None found
Kalimi te Olimpija e Lubjanës përbën një tjetër hap të rëndësishëm në karrierën ndërkombëtare të sulmuesit kuqezi, i cili pritet të jetë një alternativë e vlefshme për repartin ofensiv të skuadrës sllovene.
