Deri para pak kohësh, futbollisti slloven, Tim Matavz, i cili që nga viti i kaluar luan për klubin e ligës së parë kroate, Gorica, është gjendur nën akuza të rënda, shkruan Slovenske Novice.
Përkatësisht, gruaja e tij, Polona Faganel e ka akuzuar atë se më 9 prill e ka sulmuar fizikisht në shtëpinë e tyre në Slloveni, duke e kërcënuar dhe keqtrajtuar.
Policia sllovene, siç shkruan portali i njohur, i ka vendosur ndalim një personi që t’i afrohet një personi tjetër, vendit apo zonës së caktuar.
Edhe pse nuk specifikuan identitetin e personave për shkak të pajtueshmërisë me GDPR, policia i referohet Matavzit dhe gruas së tij.
Ndryshe, rasti është raportuar te gjykatësi hetues, në Prokurorinë e Shtetit dhe në Qendrën për Punë Sociale, ndërsa sulmuesi është akuzuar për veprën e dhunës në familje.
Duke pasur parasysh se ai akuzohet për dhunë në familje, ai përballet, sipas ligjit slloven, me një dënim deri në pesë vjet burg.
Avokati i Matavzit, Jernej Velikonja, nuk ka dashur të komentojë rastin, por ka deklaruar se ka një çështje divorci në vazhdim mes lojtarit të Goricas dhe bashkëshortes së tij Polona. /Telegrafi/
