Andriy Shevchenko ofroi falënderimet e tij të përzemërta për popullin e Polonisë dhe yjet sportive polake Robert Lewandowski dhe Iga Swiatek pas një vizite të papritur për të takuar fëmijët që kanë ikur nga tmerret e luftës në vendin e tij.
Në rolin e tij si ambasador i “Laureus Sport for Good”, ish-kapiteni dhe trajneri i Ukrainës vizitoi një shkollë verore në Varshavë që ofron një strehë të sigurt për refugjatët e rinj ukrainas.
Numri një i botës Swiatek organizoi një ndeshje tenisi bamirësie të shtunën, në të cilën Shevchenko ishte një mysafir special, ndërsa sulmuesi i Barcelonës Lewandowski ka qenë një mbështetës i zëshëm i Ukrainës dhe një avokat për një kohë të gjatë për refugjatët.
Këtë sezon Lewandowski madje do të veshë një fanellë të Barçës me logon e UNHCR-së, agjencia kryesore e Kombeve të Bashkuara për refugjatët./ h.ll/albeu.com
