Ylli i Juventusit, Cristiano Ronaldo do bisedojë me klubin italian para se të vendos për të ardhmen.
Portugezi ka edhe një vit kontratë në “Allianz Stadium” dhe ishte drejt largimit nga “Bianconerët” nëse dështonin të kualifikoheshin për Ligën e Kampionëve.
Sidoqoftë, Juventus përfundoi në pozitën e katërt pasi mposhten Bolognan dhe Napoli barazoi me Hellas Veronan.
Ronaldo nuk ishte i pranishëm në ndeshjen e fundit me trajnerin Andrea Pirlo që befasoi të gjithë duke e lënë në stol.
Sezoni i Juventusit ka qenë zhgënjyes duke e parë Interin të fitojë titullin, por ishin në gjendje të fitonin dy trofe, të Superkupës së Italisë dhe Kupës të Italisë.
Pavarësisht që nuk zhvilloi ndeshjen e fundit, Ronaldo ishte golashënuesi numër një me 29 gola në 33 paraqitje, duke përfunduar para Romelu Lukakut.
E ardhmja e Ronaldos është e lidhur me të ardhmen e Pirlos dhe drejtorit sportiv Fabio Paratici, që mund të largohen të dy pas një sezoni zhgënjyes.
36-vjeçar i kushton Juventusit 52 milionë euro për vit dhe fiton 25 milionë euro nga taksat, që nënkupton se vetëm një klub si PSG-ja do ishte në gjendje të nënshkruajë me të.
Kjo do ndodhte vetëm nëse Kylian Mbappe që ka kontratë edhe për një vit largohet nga PSG-ja.
